الغشيم ماكل هوا عند الصنايعية بمختلف مهنهم !

رحت اليوم لعند كهربجي سيارات 

بحكيلة كاميرا الريفيرس او الرجوع للخلف معطلة
ما بعرف الكاميرا خربانة او فيه سلك فاصل او مقطوع !

حكالي هاي بدها فرط وشغل واذا ابلشنا فيها
ولقينا الكاميرا معطلة بدك  تشتري كاميرا او تدفع اجور الفرط .

سألته شو الفرط !؟
شو بدك تفرط !؟

حكالي بدنا نفرط البطانة بطانة السيارة عشان نوصل لوصلة الكاميرا !
حكيتله وحد ربك يا رجل !.

وصلة الكاميرا ما بدها لا فرط ولا عرط !

مد ايدك وراء الكاميرا بعشرة سم بتلاقي وصلتها !

افصلها واشبك كاميرا من عندك بتعرف انها شغالة او معطلة !
رد علي تعال ورجيني وين وصلتها !؟.

بالمناسبة هو الي اشتغلها وهو الي ركبها بالاصل ! .

المهم فرجيته وين الوصلة واقتنع !.

نادى العامل الي عنده وحكاله افصلها من هون وجرب كاميرا جديدة عليها !
طبعا انا من طبعي ما بترك الصنايعي يشتغل لحاله وبضل واقف فوق راسه!
شال التيب عن الوصلة ولقينا السلك الي بغذي الكاميرا بالكهرباء فاصل .

قام العامل بفصل سلك الكهرباء ووصلة الفيديو !
ورجع شبك سلك الكهرباء وترك وصلة الفيديو وسألني شوف الكاميرا اشتغلت الان !؟.

واحنا بحكي عن الكاميرا القديمة مش الجديدة !!!

اعتقد انه كان بده يخدعني انها الكاميرا القديمة معطلة عشان يلبسني كاميرا جديدة !

رديت عليه
اكيد ما رح تشتغل !؟

لييش!؟ رد علي !

حكيتله لانك ما شبكت وصلة الفيديو !

اه اسف جدا انسيتها والله !

طيب اشبكها اشوف !

شبكها واشتغلت الكاميرا .

طيب خذ هاي ليرتين بدل شبك سلك الكهرباء !

انتهت القصة .