اسمعت صوت طوشة اطفال كثار على الشارع وصوت زلمة كبير معهم.
فتحت الشباك اشوف شو الموضوع .
طلع زلمة سايق باص بحمل اطفال مدارس
والزلمة ربنا الله مش مقصر ابدا ومفرغ الصندوق الخلفي وكأنه حاط حصاير او مفارش بارضية الباص عشان يتمددوا الاطفال .
ويبدو فيه طفلين متنمرين او مزعجين من بين الاطفال الطلاب الي متمددين بالصندوق الخلفي للباص .
والسايق الي حامل عصاه طويلة وبلوح فيها .
قام بحل الموضوع والطوشة بين الاطفال وركب الطفلين المزعجين جنبه بالكرسي الامامي
ولوح للجميع بالعصاة وصاح بهم:
اقعدوا ما بدي اسمع صوت .
فعلا قعدوا بدون صوت وانا كمان بطلت اسمعلهم صوت .
ولف على باب الباص فتح الباب وحط العصاة على التابلو وشغل باصه واتسهل .
استخرج 3 دروس مستفادة من القصة .
انا رح احكي عن درس واحد فقط من الدروس المستفادة من هذه القصة .
وهو حب التحكم وفرض السيطرة.
اما باقي الدروس بتركها الكم وللمعنيين.
حب السيطرة والتحكم وصل لسايق باص طلاب مدارس اطفال .
ووجد انه افضل حل يكون معاه عصاة طويلة يخوف فيها الاطفال اذا حد منهم طلع صوت او اتشاحر مع زميلة في صندوق الباص رغم انهم مساكين قاعدين ارضي ما فيه لا كراسي ولا سخام .
ذكروني ببيتنا في قرية #راسون #عجلون سنة 1965
لما كنا نقعد ارضي بالشتاء والبرد يلفحنا لانه الحصيرة رقيقة كثير وما بتحمي من برد الارضية .
ليست هناك تعليقات :
إرسال تعليق