امبارح رحت اعبي جركن كاز
عشان نشغل الصوبة ونتدفأ.
المهم وانا قاعد بنزل من السيارة
اجا واحد وصف سيارته ونزل من السيارة ومعه قزازة مي سعة 5 او 10 لتر ما بعرف بالضبط كم بده يعبيها كاز .
طبعا سبقني لاني حركتي بطيئة والنزول من السيارة بياخذ وقت مني لما انقل رجلي الشمال واثبتها عالارض وبعدين انقل رجلي اليمين واثبتهم عالارض وامسك بسقف السيارة وانزل قصة طويلة شو بدكم بطولة السيرة تاعة نزولي من السيارة وقد هرمنا .
بنرجع للاخ الي جايب قزازة مي يعيبها كاز .
عبى القزازة بعد ما سلم على العامل
وكيف حالك وشو اخبارك وكيف البرد معك طبعا سلام من بعيد بالحكي يعني ما خامس الزلمة كله حكي .!
وزم قزازة الكاز وركب بسيارته
يلا سلام ابو حميد بنشوفك اه !.
العامل فاتح ثمه بتفرج عليه
وفجأة حكاله وين باي !؟
ما دفعت ثمن الكازات !.
رد عليه :
يا رجل ما انا كل يوم بمر من هون
يعني اذا ما دفعت اليوم بدفع بكره
ما فيش داعي تخليني انزل من السيارة بعد ما صرت راكبها !.
رد عليه هي لو وقفت عليك مش مشكلة بعدين اخر اليوم بحاسبونا عالعداد كم بعنا.
دفع ثمن الكازات واتسهل .
سألني العامل :
شايف طرق النصب والسرقة !؟
حكيتله بجوز الزلمة مش قاصدها !
ليست هناك تعليقات :
إرسال تعليق