وقعت من غير ما اقرأ !

مش عارف شو المناسبة
بس امبارح وانا نايم
اتذكرت هذا الموضوع
وحكيت بس اصحى الصبح لازم اكتب عنه
قبل كم سنة في موضوع كازينو البحر الميت
وهون لازمها جملة معترضة تقول الي انا مع اقامته
انا مع اقامة الكازينو كنت بس مش مع الاتفاقية لاني ما قرأتها
المهم صارت قضية وعرفت بقضية كازينو البحر الميت
وحققوا فيها مع الكبير قبل الصغير ممن كان له علاقة بالاتفاقية
ومن ضمنهم وزراء تلك الحكومة
وهون بدنا نوقف
بدنا نوقف عند التحقيق مع الوزراء
عند سؤالهم عن الاتفاقية الي وافقوا ووقعوا عليها
كان جواب ٤منهم
انهم ما قرأوا الاتفاقية ووقعوا عليها عالغميض على رأي جدتي سلمى الله يرحمها
وقعوا عالاتفاقية بدون ما يقرأوها
لانهم هيك بالعادة بوقعوا على قرارات كثيرة من غير ما يقرأوها
والله انا مع اقامة الكازينو لا بل مع اقامة ٩٩ كازينو
لكن الي ما افهمته
كيف وزير بوقع على شي من غير ما يقرأه
كيف يا صاحب المعالي بتوقع على شي ما قرأته
طيب حكيتلهم يقرأوه الك اذا ما بتعرف تقرأ اتفاقيات وقرارات وعندك عقدة من قراءتهم !
طبعا لن اورد اسماءهم
لسببين
اولا مش متذكر الا اسم منهم
وثانيا مشكلتنا مش بالاسماء
وثالثا ما بعرف اذا حدا من الشعب طالب بتسلم حدا منهم حقيبة وزارية بالحكومة الي تم تشكيلها قبل يومين
عشان يوقع من غير ما يقرأ !
على اية حال واخيرا
كنت اتمنى ان ارى كل من قال انني وقعت على الاتفاقية دون ان اقرأها كنت اتمنى ان اقرأ خبر سجنه لعدة سنوات بتهمة الاهمال والتقصير والتقاعس عن القيام بالعمل .