انسيت اخبركم بقصة حصلت معي قبل ٣٣ يوم .
رحت على منطقة في عمان
مجمع تجاري حديث جدا
ومحلات راقية جدا واسعار فوق طاقة امثالي
حتى ما اقدرت اشتري حبة بوظة منه لاني انصدمت من سعرها !
شفت محل نظارات ...
قلت خليني اشوف بلكن لقيت عندهم نظارات شمسية سعرها مناسب الي !
المهم دخلت ورحب بي الموظف اجمل ترحيب
رغم اني كنت لابس كاجوال يعني لباس عادي مش بدلة وقرفطة .
اتفضل استاذ شو تؤمر !؟
حكيتله بدي نظارة شمسية بسعر ما بين ١٠ و ١٥ دينار يعني بمشي الحال لو كانت ب ٢٠ دينار !
حكالي والله للاسف ما عنا هيك اسعار !
شو الاسعار الي عندكم !؟
عندك هاي ب ٣٠٠ دينار وهاي ٣٥٥ دينار وهاي ب ....
وقبل يكمل جملته سألته
طيب في حدا بشتري من عندكم !؟
حكالي هون اذا دخل المحل ٣ زباين واشتروا بكون الوضع ممتاز جدا !
يعطيك الف حبيبي
السلام عليكم
اس اس السلام عليكم .
بس بصراحة ما افهمت شو يعني اذا اشتروا ٣ زباين باليوم بكون الوضع ممتاز !
ما افهمت اذا قصده انه الربح الي بحققوه ببيع ٣ نظارات ربح ممتاز جدا والا الموظف مستغرب مثلي ليش فاتحين طالما هيك اسعارهم !؟
ليست هناك تعليقات :
إرسال تعليق