فيما اذا لو قررت اني اصوت لاي مرشح
هاي بدها مشوار من عمان لعجلون
والمشوار بكلفني بنزين فقط حوالي ٢٠ دينار
بلحقهم نطاريش ومشترى كم غرض عن الطريق
وبالرجعة الاولاد بدهم يتعشوا
وعشاهم بالمطعم عالاقل بكلف من ٦٠ الى ٧٠ دينار
يعني المشوار لعجلون بكلفني عالاقل ١٠٠ دينار
يعني لو بدي ابيع صوتي بده يكون السعر فوق ١٠٠ دينار
لانه اقل من هيك بطلع خسران ومش جايب راس ماله !
وهيك بكون قطعت قلب اي مرشح طمعان اعطيه صوتي مجانا
صدقوني
من يبيع صوته يبيع ضميره
ومن يبيع صوته لا يستحق ان يكون له صوت
وصدقوني
من يشتري اصوات هو خائن للامانة وفاسد
ولا يصلح ان يكون لا مسؤول ولا موظف صغير
وصدقوني
من يدفع لك مقابل صوتك يشتريك بالمبلغ الذي دفعه لك.
وبمعنى اخر
ان قيمتك تعادل المبلغ الذي قبضته مقابل صوتك .
الصوت امانة لا تباع ولا تشترى !
ان وجدت من يستحق صوتك فيجب عليك ان تمنحه له !.
وان لم تجد من يستحق صوتك
احفظ كرامتك وقيمتك وابقى جالسا في بيتك او اطلعلك مشوار شم الهواء في منطقة من مناطقنا الجميلة !
ليست هناك تعليقات :
إرسال تعليق