اهلا وسهلا

اهلا بكم في مدونتي هذه ومروركم العطر ينيرها ويثريها بلا ادنى شك , وارجو ان تجدوا كل ما هو مفيد . وارحب بكم بالانضمام اليها والمشاركه فيها

الاثنين، يناير 30، 2017

طلبات الصداقة على الفيس بوك !

في يوم النكد الغريب الذي اصابني
اليوم ...
وصلني قبل قليل طلب صداقة على موقع الفيس بوك من فتاة
قبلت طلب صداقتها
وبعد دقائق رن جرس الماسنجر 
مرحبا ...
اهلا ...
شكرا على قبول الصداقة ...
العفو نورتي ...
٩٩ قلب حب احمر  تتطاير امامي ...
بعد دقائق وينك حبيبي ليش ما بترد على قلوب الحب !؟
لم اجد امامي انسب من الضغط على زر البلووووووووووك
مش عارفة ...
اولا - انه اليوم يوم نكد عندي !
وثانيا - مخلع طواحيني من هاي الحركات !
وثالثا - انا مزاجي جدا يعني بعض الاوقات لو تتقرب مني ملكة جمال العالم  بطنشها !
ورابعا - لقد هرمنا وبطل فينا فايدة للكلام الرومانسي !
وخامسا - حظها سيء مهما كانت مطامعها سواء مال او رومنسية !
من ناحية المال كلكم بتعرفوا انها شاشة تلفوني محطمة من ٩٩ سنة ومش قادر اصلحها !
وكلكم بتعرفوا انها فاتورة الكهرباء بتقصم ظهري !
ومن ناحية الشوسمها هاي الرومانسية
انا كشر وما بضحك للرغيف السخن ووجهي بقطع الرزق !

واخيرا :
وبعيدا عن الهزل
هذا مثال على بداية طريق الابتزاز !
قد تكون هذه الطريقة السريعة طريقة غبية جدا وساذجة ومكشوفة !
يسهل على الجميع كشف كذبها وقد يكون مستقبل مثل هذه الرسالة ساذج او غبي ويصدقها
ويستمر بالتواصل معها حتى يلقى مصيره .

ولكنها مثال على عمليات الابتزاز على مواقع التواصل الاجتماعي وفي مقدمتها موقع الفيس بوك .

احذروا هذه الصداقات وهذه المحادثات للحفاظ على سمعتكم واموالكم ان كان لديكم اموال ! .

الثلاثاء، يناير 24، 2017

الحلول الغريبة للمشكلات هي افضل الحلول احيانا !

ابتكار الحلول للمشكلات
لا يحتاج سوى قليلا من حك الدماغ
وكلما كان الحل غريبا كلما كان حلا ناجعا
اشتكى عامل تنظيف الحمامات في احدى مدارس الفتيات
لمديرة المدرسة من تصرفات بعض الطالبات
انزعجت كثيرا مديرة المدرسة من تصرفات طالباتها 
والتي كانت
وضع الشفاه على مرايا الحمام
وترك احمر وازرق واسود الشفاه (الحمرة) او الحومرة بالعامية
تركها على المرايا
وبالتالي تشويه المرايا
وازعاج عامل النظافة
بسبب صعوبة ازالة تلك المادة (الحمرة) عن المرايا
جمعت الطالبات وقامت بتنبيههن حول هذا الموضوع ولاكثر من مرة
ولكن دون فائدة
حيث كان يتكرر المنظر في كل يوم
مما حدى بالعامل ان يذهب للمديرة مرة اخرى
وان يطلب منها ان يقوم هو بمحاضرة الطالبات
داخل الحمامات
وبعد تفكير عميق وطويل وافقت المديرة على طلب عامل النظافة
دخلت الطالبات وقبلهم المديرة
وقف العامل امامهن
وقال :
اتعلمون كيف اقوم بتنظيف حمرة شفاهكم !؟
صدقوني انه امر سهل جدا
وسأريكم كيف اقوم بتنظيفه
امسك بالقشاطة ووضعها بالمرحاض (مقعدة الحمام)  لتبتل
وقام بمسح الحمرة حمرة  شفاههن  بالقشاطة التي وضعها في المرحاض !
وتخيلت كل طالبة انها وضعت شفاهها على المكان الذي مرت عليه القشاطة التي نظفت المرآة بمياه المرحاض !
شعرن بالاشمئزاز ولم يكررن هذه العادة !

ملاحظة :
القصة موجودة على فيديو قصير  لم استطع العثور عليه وقمت بصياغة القصة باسلوبي !

شم الهواء ببلاش وزياد العبابنة !

الصبح وانا لسا على ظهر التخت
رن التلفون رنة وفصل فورا
ارجعت رنيت عالرقم
والا صوت صبية ناعم (الصوت ناعم)
صباح الخييير
صباح الفل والياسمين والعنبر والزنبق والجوري وكل الورود والعطور
نتعرف عليك استاز
انا زياد العبابنة مين معي عفوا
انا ربى من شركة (شم الهواء ببلاش)
اااه عشان هيك الترو كولر فصلك مباشرة
وفيه ٨٠ واحد مبلغين عنك سبام
اه استاذ زياد فيه ناس بنزعجوا من اتصالات الشركات
وبجوز انت هلا تبلغ عني سبام هههههه
ما علينا
استاز زياد .. مبرووك
انت فزت معنا بعضوية تشين تشيان تشونغ
اعطيك فكرة عن الجائزة
اقامة ليلة لشخصين  مع فطور في فندق  س
اقامة ليلة لشخصين مع فطور في فندق ص
اقامة لشخصين مع سم الهاري في فندق ع
اقامة لشخصين مع الدفلى في منتجع غ
هاي اربع اقامات لاربع ليالي مع اربع فطورات باجمل فنادق الاردن
وكل هذا بس مقابل ١٢٠ دينار
وفوق كل هذا بنعطيك خصم ٩٩.٩٪ على الحجز باي فندق بالكرة الارضية ولمدة ٩٩ عام(الارقام من عندي) .
اعطينا اسمك السداسي عشان نكمل المعالمة
والله يا مزمزين انا فاتورة الكهرباء عاجز عن دفعها
للاسف اتصلتي بالشخص الغلط
طيب استاز زياد حرام تروح الجائزة
اعطينا رقم واحد من اصحابك نعطيه الجائزة تبعتك
للاسف كل اصحابي عايفين الدخن
سوري استاذ زياد ما افهمت شو حكيت
كل اصحابي طفرانيين ومش قادرين يشبعوا خبز
طيب انا اسفة على ازعاجك ... باي
باي ...