لماذا يعارضون اتفاقية الغاز !؟
في الحقيقة ان هناك عدة اسباب لمعارضة البعض لشراء الغاز من شركة تعمل في اسرائيل .
البعض يعارض ذلك من دافع عاطفي وكراهية للكيان الصهيوني وما قام به جرائم على مدى اكثر من 68 سنة من احتلال وقتل وتعذيب واسر وهضم حقوق .
ويرون بان هذه الصفقة تدعم اقتصاد اسرائيل ويرفضون ان نساهم في دعمه !.
وهي اسباب نحترمها ونحترم اصحابها !.
والبعض الاخر يعارض هذا من باب المعارضة فقط معارضة الحكومة ومؤسساتها والشركات المساهمة بها ، وهو ما لا نتفق معه ابدا .
ولو كان لبعضهم مصلحة شخصية او منفعة او تكسب او شاغر وظيفة في هذا الشراء لرأيناه يطبل لها ليلا ونهارا !
ولهذه الاسباب نرفض معارضته ولا نحترمها اطلاقا .
اما الصنف الثالث فهذا الصنف هو ما يعرف بفئة
(معاهم معاهم عليهم عليهم) !
بدهم عرس يرقصوا فيه
بفكروها شبكة دبكة مفتوحة
اي واحد بشبك ايده وبشارك بالدبكة
او بطلع مسدسه وببلش طخ .
هذول لو تسألهم على شو معترض !؟
رح يحكيلك والله ما بعرف بس معترض مع المعترضين !
طيب بتعرف ليش اضطروا يشتروا من شركة تعمل داخل اسرائيل !؟
والله ما بعرف !
طيب بتعرف شو جنسية الشركة الي بدهم يشتروا منها !؟
بجوز اسرائيلية !
اي سبعك وسبع مخك المعفن
الي مش عارف وين حاطك ربك
وطول نهارك معاهم معاهم عليهم عليهم !.
ما بدي اسحج ولا اطبل للاتفاقية
رأيي فيها كتبته في مقالة نشرتها عام 2014 .
بس حبيت اوضحلكم صنوف معارضيها !.
بس مثل كانت جدتي الله يرحمها تقوله
شو الي اجبرك عالمر غير الامر منه !.
وكل عام وانتم بالف خير بمناسبة السنة الهجرية .
ليست هناك تعليقات :
إرسال تعليق